Habilitering og rehabilitering

Målet med habilitering og rehabilitering er å støtte opp om og utvikle meistringsevne og funksjonsnivå hos menneske med skadar eller sjukdom. Behovet for habilitering og rehabilitering er aukande blant anna fordi folk lever lenger no enn før.

Illustrasjonsfoto: Colourbox

Spesialisert habilitering og rehabilitering i sjukehus skal tilby adekvate helsetenester i forhold til menneske med komplekse følgjetilstandar etter sjukdom/skade anten i eit tidlig stadium, eller som oppfølgjing i ein seinare fase i habiliterings- og/eller rehabiliteringsprosessen.

Helse Vest RHF har i tillegg til habiliterings- og rehabiliteringstilbodet som finst i sjukehusa, avtaler om spesialiserte rehabiliteringstenester med fem private institusjonar i Helse Vest.

Regionalt kompetansesenter for habilitering og rehabilitering
Hovudoppgåva til det regionale kompetansesenteret er å medverke til auka forsking, fagutvikling, betra utdanning og kompetanseheving innanfor sitt felt. Kompetansesenteret er tillagt funksjonen som Regional koordinerande eining. Det inneber å ha oversikt over habiliterings- og rehabiliteringstilbod nasjonalt, regionalt og lokalt, og informere om desse til brukarar, pårørande og andre målgrupper. Det regionale kompetansesenteret for habilitering og rehabilitering er lagt til Helse Bergen.

Du finn meir informasjon om habiliterings- og rehabiliteringstilbodet i helseregionen på nettstaden til regionalt kompetansesenter for habilitering og rehabilitering. Du kan også ringje grønt nummer 800 300 61 for meir informasjon.

Publisert 28.05.2010 12:49 | Endret 17.01.2013 14:59